विद्यार्थीलाई उद्यमशील बनाउन म्याग्दी बहुमुखी क्याम्पसमा २ दिने उद्यमशीलता विकास सम्वन्धी कार्यक्रम सम्पन्न भएको छ। आइडिया स्टुडियो र प्रभु वैंकको सहजीकरणमा भएको कार्यक्रममा उद्यमी बन्न आवश्यक पर्ने ज्ञान, सीप र उत्प्रेरणा प्रदान गरिएको थियो । कार्यक्रममा व्यवसायिक योजना, व्यवसाय सञ्चालनका अवसर र चुनौती, लागत र लाभ विश्लेषण, बैकिंङ सुविधाको उपयोग, ऋण लगानी लगायत विविध विषयमा सहजीकरण गरिएको थियो ।

क्याम्पस सञ्चालक समितिकाअध्यक्ष दिपेन्द्र श्रेष्ठको अध्यक्षतामा भएको कार्यक्रममा सहायक क्याम्पस प्रमुखहरु भोलानाथ घिमिरे, नारायण प्रसाद सुवेदी, सह–प्राध्यापक रामजी प्रसाद सुवेदी, उप–प्राध्यापक तारानाथ शर्मा र विष्णु आचार्य लगायतको उपस्थिति थियो । आइडिया स्टुडियोका निर्देशक अनिल बस्नेत, प्रोजक्ट म्यानेजर प्रज्ञा घिमिरे, सहप्राध्यापक रामजीप्रसाद सुबेदी, उपप्रध्यापक विष्णु आचार्यले विभिन्न विषयमा सहजीकरण गर्नुभएको थियो ।

कार्यक्रमा प्रभु बैंक गण्डकी प्रदेशका प्रमुख राजु रानाले विद्यार्थीहरुको व्यवसायिक योजना अनुसारको कार्ययोजना सम्पन्न गर्नको लागि वैकको लगानी र आवश्यक प्रक्रियाको सम्वन्धमा जानकारी गरानुभएको थियो । प्रभ बैंक गण्डकीकी एसिस्टेन्ट जानकी मल्ल, बेनी शाखाका हिमाल शाक्यले समेत बैंकमार्फत उद्यमशिलतामा भइरहेको कामका बारेमा आफ्ना भनाई राख्नुभएको थियो ।

आइडिया स्टुडियो र प्रभु वैंकले गण्डकी प्रदेशका ३ वटा म्याग्दी बहुमुखी क्याम्पस, धवालगिरी बहुमुखी क्याम्पस वाग्लुङ, गुप्तेश्वर महादेव बहुमुखी क्याम्पस सहित १५ वटा व्यावसायिक योजनाहरु बीच प्रतिस्पर्धा गराई त्यसबाट छनौट भएका व्यावसायिक योजनाहरुलाई आवश्यकता अनुसार विऊ पूँजी उपलव्ध गराउनेछ ।

कार्यक्रमको समापनमा क्याम्पस प्रमुख श्रीधर सुवेदीेले विद्यार्थीलाई उद्यमशिलता बनाउन प्राथमिकता दिएको बताउनुभयो । यसअगाडी देशभरका १४ सय क्याम्पसमा प्रतिस्पर्धा गरेको विश्वविद्यालय अनुदान आयोगको उद्यमशिलता सहायता परियोजनामा समेत म्याग्दीबाट दुई विद्यार्थीको ब्यवसायिक योजना छनौट भएको थियो ।